Datblygu Rhwydwaith Ôl-raddedig Byw Bioffilig

12 Mehefin 2026

Ar 12 Mehefin 2026, daeth ymchwilwyr ôl-raddedig o Brifysgol Abertawe a Phrifysgol Cymru Y Drindod Dewi Sant ynghyd ar gyfer digwyddiad rhwydweithio ôl-raddedig byw bioffilig cyntaf prosiect REPAIR.

Croesawodd y digwyddiad ymchwilwyr ôl-raddedig y mae eu gwaith yn canolbwyntio’n uniongyrchol ar fyw bioffilig ac atebion sy’n seiliedig ar natur, yn ogystal â’r rhai sydd â diddordeb ehangach yn y ffordd y mae pobl, natur, lleoedd a chymunedau’n rhyngweithio. Roedd y cyfranogwyr yn cynrychioli amrywiaeth o ddisgyblaethau, gan adlewyrchu’r dull trawsddisgyblaethol sydd wrth wraidd prosiect REPAIR.

Yn dilyn cyflwyniad i’r prosiect, clywodd mynychwyr am ymchwil sy’n digwydd ar draws y prosiect, gan gynnwys gwaith archwilio bioamrywiaeth, perfformiad datblygiadau bioffilig, ymgysylltu â’r gymuned a dulliau creadigol o ddychmygu dyfodol bioffilig. Yn ogystal, rhannodd yr ymchwilydd PhD Daearyddiaeth Ddynol Tatiana Bodnar fewnwelediadau o’i hymchwil ei hun hefyd.

Roedd y digwyddiad yn gyfle i gyfranogwyr greu cysylltiadau newydd, archwilio diddordebau cyffredin a thrafod sut y gallai Rhwydwaith Ôl-raddedig Byw Bioffilig ddatblygu yn y dyfodol. Amlygodd y sgyrsiau werth dod â gwahanol safbwyntiau at ei gilydd a chreu cyfleoedd i gydweithio ar draws disgyblaethau.

Edrychwn ymlaen at feithrin a datblygu’r brwdfrydedd a grëwyd yn ystod y digwyddiad a chefnogi cymuned gynyddol o ymchwilwyr ôl-raddedig sydd â diddordeb mewn byw bioffilig, atebion sy’n seiliedig ar natur a dyfodol mwy cynaliadwy.