REPAIR: Ôl-osod ar Gyfer y Dyfodol Atebion Seiliedig ar Natur ar gyfer Addasu i’r Hinsawdd

Mae dinasoedd yn wynebu heriau cynyddol o du newid hinsawdd, colli bioamrywiaeth a dirywiad cysylltiadau â natur. Mae prosiect REPAIR yn edrych ar y ffordd y gall byw bioffilig - sy’n integreiddio natur i’r llefydd lle rydyn ni’n byw, yn gweithio ac yn symud drwy ddinasoedd - helpu ardaloedd trefol i addasu gan wella lles, cryfhau cymunedau a chefnogi adferiad ecolegol. Nod y prosiect yw datblygu llwybrau sy’n seiliedig ar dystiolaeth y mae modd eu hefelychu ar gyfer addasu ac ôl-osod trefol, gan helpu i drawsnewid adeiladau a chymdogaethau presennol a’u troi’n amgylcheddau iachach a mwy gwydn.

Trwy ddull trawsddisgyblaethol a chydweithredol, mae REPAIR yn dwyn ynghyd arbenigedd o feysydd y celfyddydau, y dyniaethau, y gwyddorau ac arfer proffesiynol. Mae ein tîm ymchwil yn cynnwys arbenigwyr mewn dylunio, pensaernïaeth, ysgrifennu creadigol, llenyddiaeth, hanes, y gyfraith, anthropoleg, seicoleg ac ecoleg ochr yn ochr â phartneriaid cymdeithasol sy’n gweithio ym meysydd tai cymdeithasol, adeiladu, adfer natur drefol a seilwaith gwyrdd. Gan weithio’n agos gyda chymunedau a phartneriaid lleol a rhyngwladol ar draws iechyd, llywodraeth, y celfyddydau a datblygu economaidd, mae’r prosiect yn edrych ar y ffactorau diwylliannol, cymdeithasol ac ymarferol sy’n annog neu’n atal mabwysiadu bywyd bioffilig, gan helpu i nodi llwybrau ar gyfer newid ystyrlon a pharhaol.

Fel rhan o’i waith ymchwil, mae prosiect REPAIR yn treialu dull Cynnull Tîm sy’n cefnogi arweinyddiaeth gydweithredol, llywodraethu cynhwysol, cyd-ddatblygu ac arfer adfyfyriol. Mae’r model hwn yn helpu timau amrywiol i weithio’n effeithiol ar draws disgyblaethau a sectorau, gan atgyfnerthu ymchwil drawsddisgyblaethol a chydweithredu rhwng ymchwilwyr, ymarferwyr a phartneriaid cymunedol.

Dysgwch fwy am y dull Cynnull Tîm: Prosiect Thrive ym Mhrifysgol Lerpwl

Isod mae’r cyd-arweinwyr a’r aelodau allweddol sy’n arwain ac yn cyflwyno’r ymchwil:

Partneriaid Prosiect a Bwrdd Cynghori Rhyngwladol

Mae prosiect REPAIR yn cael ei gefnogi gan Fwrdd Cynghori Rhyngwladol a rhwydwaith amrywiol o bartneriaid o’r byd academaidd, diwydiant, llywodraeth a sefydliadau cymunedol.

Gyda’i gilydd, mae’r cydweithrediadau hyn yn helpu i sicrhau bod ymchwil a mewnwelediadau’r prosiect yn ymarferol, yn berthnasol ac yn hwyluso ehangu, gan gefnogi mabwysiadu bywyd bioffilig ar raddfa fwy helaeth.

Beth fyddwn ni’n ei Gynhyrchu

Yn ystod prosiect REPAIR, byddwn yn cynhyrchu ystod o allbynnau sydd wedi’u cynllunio i gefnogi bywyd bioffilig, gan gynnwys:

• Fframweithiau sy’n seiliedig ar dystiolaeth ar gyfer ôl-osod bioffilig
• Dulliau i werthuso gwerth cymdeithasol, diwylliannol ac ecolegol yn yr amgylchedd adeiledig
• Astudiaethau achos ac egwyddorion dylunio BIOME Abertawe
• Mewnwelediadau sy’n berthnasol i bolisi ar gyfer y rhai sy’n gwneud penderfyniadau lleol a chenedlaethol
• Allbynnau creadigol, straeon cymunedol a deunyddiau ymgysylltu â’r cyhoedd
• Model profedig o gynnull tîm trawsddisgyblaethol

Bydd yr allbynnau hyn yn cael eu rhannu’n agored i gefnogi mabwysiadu bywyd bioffilig ar raddfa ehangach ledled y DU a thu hwnt.

 

Cyfranogi Mae REPAIR yn brosiect cydweithredol sy’n dod â chymunedau, ymarferwyr, llunwyr polisi ac ymchwilwyr at ei gilydd. Mae sawl ffordd o gyfranogi, gan gynnwys: Gweithdai cymunedol Sgyrsiau a digwyddiadau cyhoeddus Gweithgareddau ymchwil cydweithredol Sesiynau cyfnewid gwybodaeth Os hoffech gysylltu â’r tîm neu ddysgu mwy am gyfleoedd sydd ar ddod, cysylltwch â ni: E-bost: REPAIR@abertawe.ac.uk